Tíð
30/01/2024 Kl. 01:00 - 02:30

Týsdagin 30. januar kl 13:00 koma Jákup Sørensen og Ernst Sumberg Olsen frá NORA, at greiða frá stuðulmøguleikum á almennum tiltaki í Hugskotinum.

Virksemið hjá NORA er at veita fíggjarligan stuðul til ítøkiligar samstarvsverkætlanir í Norðurhøvum, og tá ið NORA stuðlar verkætlanum, er tað við hesum í huga:

1. At stuðla menningini í økinum sum heild.
2. At stuðla nýggjum loysnum, sum skapa ein fjølbroyttari búskap.
3. At stuðla grønari, kappingarførari og sosialt burðardyggari menning í Norðuratlantsøkinum innan tey raðfestu aðalmálini.
4. Virka fyri tættari samstarvi við okkara grannar í Norðuratlantshavi, serliga Skotland.

Eftir eina framløgu, har teir eisini stutt koma inná Northern Periphery Programme, er møguleiki at fáa eitt prát við Jákup og Ernst um stuðulsmøguleikar.

Tiltakið verður í fundarhølinum í Hugskotinum á Vestaru Bryggju 15, 3. hædd, týsdagin 30. januar kl. 13:00, og øll áhugaði eru hjartaliga vælkomin. Tó er neyðugt við tilmelding, melda til her.

____________________

Nærri kunning hvørji økir NORA serliga stuðlar:

1. Lívfeingisbúskapur

NORA raðfestir verkætlanir við denti á varandi land- og sjófeingi. Nýskapandi virðisketur, nýggjar rávørur og framleiðslu, staðbundnan mat, norrøna matlist, ið er grundað á varandi land- og sjófeingi, eins og munadygga tilfeingisnýtslu.

1. Burðardygg ferðavinna

Burðardygg ferðavinna byggir á og mennir handilslívið og inntøkur í økinum og kann vera við til at menna felagsloysnir innan burðardygga ferðavinnu. NORA raðfestir verkætlanir við denti á framtíðarferðavinnu.

1. Ringbúskapur

Ringbúskapur gagnnýtir náttúrutilfeingi og framleiðslu á munadyggan hátt, so leingi, sum gjørligt, í eini ringrás við so lítlum spilli, sum gjørligt. NORA raðfestir verkætlanir, ið fremja ringbúskap, sum eisini fevnir um kommunusamstarv tvørtur um landamørkini.

1. Flutningur

Samstarv um betri og grønari flutningsloysnir, sum knýta londini og ymsu støðini í økinum nærri saman. Við stóra havøkinum í huga, raðfestir NORA verkætlanir, sum virka fyri einum skifti til grønari og meiri varandi orkukeldur til sjóflutning.

1. Orka

Dentur á at menna varandi elriknar loysnir til bygdaøki, sum tryggja støðuga og holla orkuveiting til fólkið í Norðuratlantshavi. NORA raðfestir verkætlanir, sum leggja seg eftir staðbundnum orkuloysnum, óheftar av veiting frá størri veitingarkervi.

1. Nærumhvørvi

Tað týdningarmesta fyri trivnaðin, har ein býr, er at hava góð tilboð á staðnum. Hetta tálmar fráflytingini og økir tilflytingina. NORA stuðlar samstarvsverkætlanum, sum virka fyri einum fólkaræðisligum nærumhvørvi, ið fevnir meira um ungdómin