Tíð
02/05/2022 Kl. 19:00 - 21:00

Mánadagin 2. mai kl. 19.00 skipar Hugskotið aftur fyri íverksetarakafé í Reinsarínum, hesaferð í samstarvi við árligu umhvørvisvikuna, sum Tórshavnar kommuna og Visit Tórshavn skipa fyri.

Í ár setur umhvørvisvikan sjóneykuna á matoyðsl, og hetta verður somuleiðis evnið, sum verður tikið upp á íverksetarakaféini.

Tað verður Helene Regnell, serfrøðingur innan Corporate Social Responsibility og burðardygd, sum kemur at greiða frá, hvussu fyritøkur kunnu gera sítt til at minka um matoyðsl, og hvørjar møguleikar og fyrimunir henda raðfesting kann hava fyri fyritøkuna.

Helene hevur meira enn 20 ára royndir innan CSR og burðardygga virkismenning bæði frá donskum og altjóða fyritøkum, eitt nú stórum fyritøkum so sum General Electric, Maersk og Salling Group. Helene hevur síðani 2017 hjálpt smáum og miðalstórum fyritøkum við stragtegium og samskifti í mun til burðardygd við síni fyritøku Lead Sustainability: https://www.leadsustainability.dk/