Tíð
07/03/2025 Kl. 13:00 - 15:30
Fríggjadagin 7. mars kl. 13:00 verður forvitnislig móttøka í Müllers Pakkhús, tá ið endabresturin av átakinum Nýskapan í ferðavinnuni er á skrá. Seinastu sjey vikurnar hava átta spennandi ferðavinnuverkætlanir luttikið í átakinum, sum Hugskotið, Visit Tórshavn og Visit Faroe Islands hava skipað fyri.
Tær átta verkætlanirnar, sum fara at vísa síni úrslit fram í Müllers Pakkhús, eru:
- Eyðun Egholm – Egholm tours
- Pauli Joensen – Explorefaroes.fo
- Anna Maria Østerø – Nólsoyarstova
- Sabina Poulsen – Sabina Faroe Travel
- Bára Joensen – Varmakeldugarðurin
- Eirikur á Húsamørk – Húsamørk
- Sólgerð Andreassen – Sansan
- Michael Koba – The Meeting Company
Elsa Berg, borgarstjóri í Tórshavnar kommunu, og Guðrið Højgaard, stjóri í Visit Faroe Islands, bjóða vælkomin til henda hugnaliga seinnapartin.
Harumframt kemur Rúna V. Højgaard, ið stendur fyri menningini av ferðavinnuhagtølunum á Hagstovu Føroya, at greiða frá ferðavinnuni í Føroyum í tølum.
Hugnaligi og kveikjandi seinnaparturin endar við ábiti afturvið góðum fríggjadagstónum frá Sunnevu Háberg Eysturstein. Høvið verður eisini at vitja básarnar, og síggja og hoyra meiri um spennandi verkætlanirnar hjá luttakarunum í Nýskapan í ferðavinnuni.
Øll áhugaði eru hjartaliga vælkomin. Melda til her: https://forms.office.com/e/f5uAc96ymD