Fríggjadagin 16. juni kl 17:00 verður eitt forvitnisligt tiltak í Reinsarínum. Fimm nýggjar og spennandi íverksetarafyritøkur fara at pitcha teirra íverksetarahugskot fyri møguligum íleggjarum og áhugaðum.

Fyrr í ár skipaði Hugskotið saman við Business Angels Norway fyri skeiði, har endamálið var at læra at virðismeta og gera íløgur í fyritøkur. Á skeiðinum vórðu lunnar lagdir undir fyrsta føroyska eingla-netverk og á tiltakinum í Reinsarínum fríggjadagin 16. juni fært tú høvi at hoyra nærri og gerast partur av hesum netverki. Harumframt fært tú eitt forkunnigt innlit í spennandi føroyskar íverksetarafyritøkur og møguleika at netverka við íleggjarar, fyritøkur og felags áhugaði.

Tiltakið er ókeypis og øll eru hjartaliga vælkomin, men neyðugt er við tilmelding. Melda til her. 

Hugskotið bjóðar lætt ábit og okkurt leskandi afturvið. Avmarkað pláss.