Tíð
01/09/2023 Kl. 13:00 - 15:30

Fríggjadagin 1. september verður Vinnuforum í Kongshøll. Evnið hesuferð er vinnulív í Tórshavnar kommu nú kommunan skal hava ein orðaðan vinnupolitikk.

Ein fyrilestrarhaldari til tiltakið er Niels Winther, stjóri í Vinnuhúsinum, sum umboðar vinnulívið í Føroyum. Vinnuhúsið hevur orðað ein vinnupolitikk við tilmælum til politisku skipanina. Á Vinnuforum fer Niels Winther at bera fram sjónarmið um, hvat ein kommunalur vinnupolitikkur eigur at leggja dent á.

Tað eru Tórshavnar kommuna og Hugskotið sum skipa fyri vinnutiltakinum Vinnuforum, har lagt verður upp til ein spennandi seinnapart, har vinnan og kommunan fáa høvi at hittast til netverkan og íblástur.

Tiltakið endar við einari móttøku, har høvi verður at fáa eitt prát við viðkomandi starvsfólk í umsitingini hjá Tórshavnar kommunu.

Vinnuforum er eitt afturvendandi tiltak hjá Tórshavnar Kommunu og Hugskotinum, har bjóðað verður inn til ein spennandi seinnapart, har vinnan og kommunan fáa høvi at hittast til netverkan og íblástur. Hetta er eitt tiltak, sum hevur til endamál at fáa tættari samstarv millum vinnu og kommunu, ið eisini er ein fortreyt fyri vøkstri og framburði.

Tiltakið er ókeypis, og tað er avmarkað atgongd. Melda til tiltakið her.