Tíð
20/03/2026 Kl. 13:00 - 15:30
Fríggjadagin 20. mars kl. 13:00 verður móttøka í OY, tá endabresturin av átakinum Nýskapan í ferðavinnuni er á skránni. Á tiltakinum fara átta verkætlanir at leggja fram úrslitini av arbeiðinum, sum tær hava arbeitt við seinastu sjey vikurnar.
Átakið Nýskapan í ferðavinnuni er skipað av Hugskotinum, Visit Tórshavn og Visit Faroe Islands. Í ár hevur átakið havt serligt fokus á føroyskar matvørur og ferðaminni, og átta verkætlanir hava luttikið í vinnudíkjaranum, har tær hava ment nýggj hugskot og vørur til ferðavinnuna.
Tær átta verkætlanirnar eru:
- Valborg Jensen – 62Nordic
Cristian og Diana í Garði – Føroya Kips
Sunnvá á Geilini Asano
Jógvan Edmund og Eydna á Geilini
Andras Eyðunsson á Lofti – Galdr
Jan E. Petersen – Primafisk
Lisabett og Verner Hansen
Gunhild Dahl Niclansen og Kári Klettskarð í Kongsstovu
Heðin Mortensen, formaður í vinnunevndini í Tórshavnar kommunu, og Guðrið Højgaard, stjóri í Visit Faroe Islands, bjóða vælkomin. Eisini fer víðakendi Michelin-kokkurin Poul Andrias Ziska at hugleiða, áðrenn verkætlanirnar verða lagdar fram.
Á tiltakinum verður eisini høvi hjá gestum at práta við luttakararnar, smakka teirra vørur og hoyra meira um verkætlanirnar.
Tiltakið er alment og ókeypis, men neyðugt er við tilmelding í seinasta lagi 18. mars.
Tilmelding fer fram her.
Øll áhugaði eru hjartaliga vælkomin, men tað er avmarkað pláss, so vit mæla til at melda til sum skjótast.