Tíð
27/10/2022 Kl. 19:00 - 21:00

Hósdagin 27. oktober kl. 19.00 skipar Hugskotið aftur fyri Íverksetarakafé. Tá verður sjóneykan sett á hvussu tú virðismetir eina fyritøku.

Tað verður Ben Arabo, stjóri í Framtak, sum kemur at greiða nærri frá um virðismeting av fyritøkum, herundir:

• Hvørjir faktorar ávirka virðið á eini fyritøku?
• Hvat hyggur keypari eftir?
• Hvat drívur virðið á fyritøkuni?
• Virðisásetingarhættir
• Nakrir tummilfingrareglar

Íverksetarakafé er eitt afturvendandi tiltak, sum Hugskotið skipar fyri. Endamálið er, at veita íverksetum og áhugaðum viðkomandi og kveikjandi fyrilestar, umframt at skapa hugnaligar karmar, har íverksetarar kunnu hittast og vitanardeila.

Øll eru vælkomin á íverksetarakafé, Hugskotið bjóðar kaffi og okkurt søtt afturvið, og til ber at keypa sær okkurt frískligt úr barrini.

Tiltakið er ókeypis, men neyðugt er við tilmelding. Melda til her

Vit gleða okkum at síggja tykkum í Reinsarínum 

Um Ben Arabo

Ben er útbúgvin búskaparfrøðingur og hevur drúgvar royndir innan fígging og vinnulív, bæði í Føroyum og uttanlands. Síðani november 2021 hevur Ben verið stjóri í Framtak, ið hevur ein virknan leiklut sum íleggjari í føroyska vinnulívinum.