Fríggjadagin í farnu viku var eitt forvitnisligt tiltak í Nólsoy, tá ið endabresturin av átakinum Nýskapan í ferðavinnuni var í bygdini. Seinastu seks vikurnar hava seks ferðavinnuverkætlanir í Nólsoy luttikið í átakinum, sum Hugskotið, Visit Tórshavn og Visit Nólsoy hava skipað fyri.

Tær seks verkætlanirnar, sum løgdu síni úrslit fram í Nólsoy fríggjadagin, vóru:

Mariann Hansen – samrøðusalong fyri ferðafólk

Maud Wang Hansen– burðardygt heimablídni

Anja Hartmann Wardum – Neystkafé

Bjarti Thomsen – bátatúrar kring Nólsoy

Fríðun Kristina Jacobsen og Hildur Durhuus – Neystið hjá Fríðun

Terji Rasmussen – heimasíðan nólsoy.fo

Luttakandi verkætlanirnar fingu seks skraddaraseymaðar vikur við góðum ráðum frá føroyskum vinnulívsfólki og ráðgeving frá fremstu serfrøðini í ferðavinnuni. Luttakararnir hava harumframt fingið høvi at luttaka á spennandi verkstovum við undirvísing, framløgum og netverkan.

Vit ynskja íverksetarunum allarbestu eydnu víðari við spennandi verkætlanum og vit gleða okkum til at royna tilboðini í summar!

Lesið meira um Nýskapan í ferðavinnuni her.

Sí fleiri myndir frá tiltakinum her.