Klippfisk og Hugskotið hava opið hús!

opið hús.jpg

Filmsverkstovan Klippfisk er flutt í nýggj høli í Hugskotinum, sum er nýskapanarhúsið undir Tórshavnar kommunu. Í hesum sambandi verður opið hús í snotiligu hølunum í Sjóvinnuhúsinum mikukvøldið 7. februar frá kl. 19-22.

Hetta verður eitt hugnakvøld, har høvi verður at netverka við filmsáhugað í Klippfisk og íverksetarar í Hugskotinum. Vit bjóða eisini okkurt gott til góman og vísa fleiri føroyskar stuttfilmar.

Vilt tú vita meira um, hvussu Klippfisk kann hjálpa tær við filmsframleiðslu? Kom framvið og hoyr nærri um ráðgeving, innivist og lán av filmsútgerð.

Vilt tú hoyra meira um, hvat Hugskotið hevur at bjóða? Kom ein túr framvið og hoyr nærri um innivist fyri íverksetarar, ókeypis ráðgeving og fá eitt gott prát við starvsfólkini og tær mongu íverksetarafyritøkurnar, sum eru í Hugskotinum.

Øll eru hjartaliga vælkomin!